சோனிக்கு இந்தியா வேண்டாமாம்!

சற்று விலை அதிகமாக இருந்தாலும் இந்தியர்களுக்கு சோனி மொபைல் மீது எப்போதுமே ஒருவிதமான ஆசை இருந்துக் கொண்டே இருக்கும். ஆனால், சோனி நிறுவனம் இந்தியாவின் மொபைல் போன் விற்பனையில் தனது கவனத்தை குறைத்துக் கொள்ள போவதாகத் தெரிவித்துள்ளது.

சமீபத்தில் நடந்த முதலீட்டாளர்கள் கூட்டத்தில் இதைத் தெரிவித்துள்ளது.அத்தோடு இந்தியா மட்டும் இல்லாமல் சீனா, பிரேசில், இந்தோனேசியா ஆகிய நாடுகளிலும் தனது விற்பனை சார்ந்த கவனத்தை குறைக்க திட்டமிட்டுள்ளது.

2015-17 ஆகிய காலக் கட்டத்தில் மேற்கூறிய நான்கு நாடுகளிலும் மொபைல் விற்பனையின் சராசரி சந்தை 0.3 சதவிகிதமாக இருக்கும் என ஜப்பானை சேர்ந்த நிறுவனம் ஒன்று தெரிவித்துள்ளது. இந்த காலத்தில் 8.1 சதவிகிதம் மொபைல் விற்பனை இருக்கும் என சோனி நிறுவனம் எதிர்ப்பார்த்தது. அதை விட மிகவும் குறைவாக இருந்ததால் இந்த முடிவை எடுத்துள்ளாக தெரிவித்துள்ளது சோனி.

கிழக்கு ஆசிய பகுதியான ஐரோப்பா மற்றும் மத்திய கிழக்கு பகுதியில் மொபைல் விற்பனையில் தனது கவனத்தை செலுத்த இருப்பதாகவும் சோனி நிறுவனம் தெரிவித்துள்ளது.

Leave a Reply

Your email address will not be published. Required fields are marked *