அங்குசம் வாட்ஸ் ஆப் சேனலில் இணையுங்கள்...

ஆா்.என்.கே எனும் செஞ்சூாியன்!

By Angusam News On Feb 26, 2026

திருச்சியில் அடகு நகையை விற்க

சுதந்திர போராட்ட வீரர், இந்திய கம்யூனிஸ்ட் கட்சியின் மூத்த தலைவர், வாழ்நாள் போராளியாய் நம்மை விட்டு விடைபெற்றிருக்கிறார், தோழர் நல்லக்கண்ணு.

திடீர் உடல்நலக்குறைவு காரணமாக, சென்னை சென்னை ராஜீவ் காந்தி அரசு பொது மருத்துவமனையில் அனுமதிக்கப்பட்ட நிலையில், சுமார் 20 நாட்களுக்கு மேலான மருத்துவ சிகிச்சைகள் கை கொடுக்காத நிலையில், பிப்-25 அன்று பிற்பகல் 1.55 மணிக்கு அவர் உயிர்பிரிந்ததாக மருத்துவர்கள் அறிவித்திருக்கிறார்கள்.

இந்த வார JANUARY - 28 அங்குசம் இதழில்…2026 ANGUSAM WEEKLY BOOK

தமிழகத்தின் தலைச்சிறந்த ஆளுமைகளுள் ஒருவராக, வாழும் உதாரண புருஷராக, எளிமையின் சிகரமாக, நூற்றாண்டுகளை கடந்த நாயகனாக அரசியல் தளத்தில் இயங்கிவரும் தோழர் நல்லக்கண்ணு, வாழ்வின் இறுதிக் கட்டத்தில், இயற்கையோடு சளையாத போராட்டத்தை, தள்ளாத வயதிலும் தொடர்ந்து வருகிறார்.

அவருக்கு பெருமையும் புகழையும் சேர்க்க வேண்டுமென்ற நோக்கில் மட்டுமல்ல; இன்றைய இளய தலைமுறையினரிடத்தும் அவரை கொண்டு செல்லும் நோக்கில் தோழர் நல்லக்கண்ணு கடந்து வந்த பாதை – வார்த்தை சித்திரமாக !

Admission Enquiry Form

101 செஞ்சூரியன்

பிறப்பு: 1925, டிசம்பர் 26
ஊர்: தூத்துக்குடி மாவட்டம், ஸ்ரீவைகுண்டம்.
பெற்றோர்: இராமசாமி – காமாட்சி அம்மாள்.
பிறப்பால் பெரும் நிலச்சுவான்தார் குடும்பத்தைச் சேர்ந்தவர்.
11 வயதிலேயே வெள்ளைக்காரர்களுக்கு எதிராகப் போராடியவர்.
வ.உ.சி மற்றும் நேதாஜி சுபாஷ் சந்திரபோஸ் மீது பற்று கொண்டவர்.
சிறுவயதில் காங்கிரஸ் இயக்கத்தில் தொண்டராகப் பணியாற்றியவர்.
ஏழை மக்களின் வறுமையைக் கண்டு பொதுவுடைமை சித்தாந்தத்தை ஏற்றவர்.
18 வயதில் 1943-ல் இந்திய கம்யூனிஸ்ட் கட்சியில் இணைந்தார்.
மக்கள் பணிக்காகத் தனது சொத்துக்கள் அனைத்தையும் துறந்தார்.

சிறையும் சித்திரவதையும் :

1949-ல் நெல்லை சதி வழக்கில் கைது செய்யப்பட்டு ஆயுள் தண்டனை பெற்றார்.
1949 முதல் 1956 வரை 7 ஆண்டுகள் கடும் சிறைவாசத்தை அனுபவித்தார்.
சிறையில் போலீசாரால், இவரது மீசை முடியைச் சிகரெட்டால் சுட்டு சித்திரவதைக்கு ஆளாக்கப்பட்டார்.
ஆனாலும், சக தோழர்களைக் காட்டிக்கொடுக்க மறுத்து கடும் அடக்குமுறைகளைத் தாங்கிக்கொண்டார்.
ஒளியே இல்லாத இருட்டறையில்தான் பல மாதங்கள் அடைக்கப்பட்டிருந்தார்.
கம்யூனிஸ்ட் கட்சி மீதான தடை நீக்கப்பட்ட பிறகு, 1956-ல் விடுதலையானார்.

போராட்டமே வாழ்க்கை :

2026 - அங்குசம் தேர்தல் களம் - வீடியோ பார்க்க

தஞ்சாவூர் மற்றும் திருநெல்வேலியில் விவசாயத் தொழிலாளர் போராட்டங்களை முன்னெடுத்தார்.
கோவில்கள் மற்றும் மடங்களின் வசமிருந்த நிலங்களை விவசாயிகளுக்குப் பெற்றுத் தரப் போராடினார்.
சாதி ஒடுக்குமுறைக்கு எதிராக வாழ்நாள் முழுவதும் போராடி வருகிறார்.
தாழ்த்தப்பட்ட மக்களின் உரிமைக்காக முன்னின்று நடத்தினார்.
தாமிரபரணி ஆற்று மணல் கொள்ளைக்கு எதிராகத் தொடர்ந்து குரல் கொடுத்தார்.
இயற்கை வளங்களைப் பாதுகாப்பதில் மிகுந்த அக்கறை கொண்டவர்.
மதுவிலக்கை அமல்படுத்தத் தொடர்ந்து வலியுறுத்தி வருகிறார்.
மீனவர்களின் வாழ்வாதாரப் போராட்டங்களில் பங்கேற்றார்.
ஆலைத் தொழிலாளர்களின் போராட்டங்களுக்குத் தலைமை தாங்கினார்.
நெருக்கடி நிலை காலத்திலும் தலைமறைவாக இருந்து பணியாற்றினார்.
தனது சிறை அனுபவங்களை “சிறை வாழ்க்கை” என்ற தலைப்பில் ஆவணப்படுத்தியுள்ளார்.
அமைதி வழியிலான போராட்டத்தையே என்றும் வலியுறுத்துபவர்.
கொள்கை சார்ந்து பலமுறை உண்ணாவிரதப் போராட்டங்களை முன்னெடுத்தார்.
உயிருக்கு அச்சுறுத்தல் வந்த காலங்களிலும் கொள்கையை விடாதவர்.

அரசியல் களத்தில் :

இந்திய கம்யூனிஸ்ட் கட்சியின் தமிழ்நாடு மாநிலச் செயலாளராக 13 ஆண்டுகள் இருந்தார்.
1980-ல் அம்பாசமுத்திரம் சட்டமன்றத் தொகுதியில் போட்டியிட்டார்.
1999-ல் கோயம்புத்தூர் நாடாளுமன்றத் தொகுதியில் போட்டியிட்டார்.
அனைத்துக் கட்சித் தலைவர்களாலும் மதிக்கப்படும் ஒரு ஆளுமை.
அகில இந்திய விவசாயத் தொழிலாளர் சங்கத்தின் தலைவராகப் பணியாற்றினார்.
தனது வாழ்நாளில் 80 ஆண்டுகளைத் தீவிர அரசியலில் செலவிட்டுள்ளார்.
கம்யூனிஸ்ட் கட்சியின் ஒழுக்கத்தை வழுவாது பின்பற்றுபவர்.
பல இளம் கம்யூனிஸ்ட் தலைவர்களுக்கு வழிகாட்டியாகத் திகழ்கிறார்.
தமிழ்நாட்டின் முக்கிய அரசியல் மாற்றங்களில் இவரது ஆலோசனைக்கு முக்கியத்துவம் உண்டு.
இவருடைய பேச்சில் எப்போதும் தரவுகளும், உண்மையும் நிறைந்திருக்கும்.
பாமர மக்களுக்கும் புரியும் வகையில் அரசியலைப் பேசுவார்.
மூடநம்பிக்கைகளுக்கு எதிராக அறிவியல் பார்வையை விதைத்தவர்.
இடதுசாரி இயக்கங்களின் ஒற்றுமைக்காகப் பாடுபட்டவர்.
மதச்சார்பற்ற கொள்கையில் சமரசமற்றவர்.
பெண்களுக்கான சம உரிமை மற்றும் இடஒதுக்கீட்டை வலியுறுத்துபவர்.
தமிழ் மொழியின் மேன்மைக்காகவும், கட்டாயத் தமிழ்க் கல்விக்காகவும் போராடினார்.
ஈழத்தமிழர்களின் உரிமைக்காகவும், நலனுக்காகவும் குரல் கொடுத்தார்.
உலகளாவிய கம்யூனிச இயக்கங்களோடு தொடர்பில் இருந்தார்.
எத்தனையோ பதவிகள் வந்தபோதும் தலைக்கனம் இல்லாதவர்.
கட்சியின் மாவட்ட, மாநில, தேசிய அளவிலான பல முக்கியப் பொறுப்புகளை வகித்துள்ளார்.

எளிமையும் நேர்மையும் :

ஒரு கட்சித் தலைவராக இருந்தும் இவருக்கு எனச் சொந்த வீடு கிடையாது.
வாடகைக்கு அரசு குடியிருப்பு வீட்டிலேயே நீண்ட காலம் வசித்தார்.
அரசாங்கம் வீட்டை காலி செய்யச் சொன்னபோது, எவ்வித எதிர்ப்பும் காட்டாமல் உடனே வெளியேறினார்.
இன்றும் அருகில் உள்ள இடங்களுக்கு நடந்தே செல்வார்.
அரசுப் பேருந்துகளிலும், ரயிலிலும் சாதாரண வகுப்பிலேயே பயணம் செய்வார்.
எளிய கதர் ஆடையையே அணிவார்.
மிகவும் எளிமையான உணவையே உண்பார்.
அரசியல் வாழ்வில் ஒரு காசு கூட ஊழல் செய்யாதவர்.
கட்சி கொடுத்த 1 கோடி ரூபாய் நிதியை மீண்டும் கட்சிக்கே வழங்கினார்.
அரசு வழங்கிய 10 லட்ச ரூபாய் பரிசுத் தொகையை முதல்வர் நிவாரண நிதிக்கு வழங்கினார்.
தமிழ்நாடு அரசு இவருக்கு வழங்கிய வீட்டைப் பெற்றுக்கொள்ள மறுத்துவிட்டார்.
எம்.பி., எம்.எல்.ஏ. பதவிகள் தேடி வந்த போதும் மக்களுக்காகத் தியாகம் செய்தவர்.
காலையில் சீக்கிரம் எழுந்து உடற்பயிற்சி மற்றும் வாசிப்பை வழக்கமாகக் கொண்டவர்.
99 வயதிலும் சுறுசுறுப்பாக மக்கள் பணியில் ஈடுபடுபவர்.
தன்னிடம் உள்ள சிறு தொகையையும் தேவையுள்ளவர்களுக்குத் தருவார்.
தன்னைத் தேடி வரும் தொண்டர்களைச் சமமாக மதித்து உபசரிப்பார்.
தனது பிறந்தநாளைக் கூட ஆடம்பரமாகக் கொண்டாட அனுமதிக்க மாட்டார்.
வாழ்நாள் முழுவதும் மது, புகை போன்ற பழக்கங்கள் அற்றவர்.
எப்போதும் மக்களுடனே இருப்பதை விரும்புபவர்.
எந்த ஒரு நிகழ்ச்சிக்கும் குறித்த நேரத்தில் சென்றுவிடுவார்.