திருப்பரங்குன்றம் : பன்னாட்டு கும்பலின் சதி ! ஆதாரங்களுடன் அதிரவைத்த வாஞ்சிநாதன் !

மதுரையை சேர்ந்த வழக்கறிஞரும் சமூக செயற்பாட்டாளருமான சே.வாஞ்சிநாதன் திருப்பரங்குன்றம் விவகாரம் தொடர்பான அதிர்ச்சியூட்டும் தகவல்களை வெளியிட்டிருக்கிறார். இந்த விவகாரத்தில், இந்து அமைப்புகளின் நிர்வாகிகள் உள்ளிட்டு பன்னாட்டு கும்பலின் வலைபின்னலோடு, தேர்ந்த முன்திட்டமிடலின் அடிப்படையில் இந்த விவகாரங்கள் முன்னிலைக்கு கொண்டு வரப்படுகின்றன என்பதை ஆதாரங்களுடன் அம்பலப்படுத்தியிருக்கிறார்.

இந்த விவகாரம் தொடர்பாக, குறிப்பான குற்றச்சாட்டுகளுக்கு உரிய சான்றாவணங்களுடன் மதுரை அண்ணாநகர் போலீசு ஆய்வாளருக்கு புகார் மனு ஒன்றை அவர் அனுப்பி வைத்திருக்கிறார். அந்த புகார் மனுவில், ”அய்யா,

1.நான் மேலே கண்ட முகவரியில் அலுவலகம் வைத்து வழக்கறிஞராகப் பணியாற்றி வருகிறேன்.

திருப்பரங்குன்றம் பிரச்சனை தொடர்பாக சமூக வலைதளங்களில் படித்துக் கொண்டிருந்தபோது,  மிகவும் அதிர்ச்சிகரமான தகவல் ஒன்று கிடைத்தது.  Reclaim Temples  (Reclaimtemples.com) என்ற பெயரிலான ஒரு வலைதளம், நாடு முழுவதும் பல்வேறு மாநிலங்களில் உள்ள மசூதிகள், சர்ச்சுகளைப் பட்டியலிட்டுள்ளது. பட்டியலிடப்பட்ட மசூதிகள், இந்து கோவில்களை இடித்து கட்டப்பட்டது  அல்லது கோயில்களின் பொருட்களால் கட்டப்பட்டவை என்று தலைப்பிட்டு வகைப்படுத்தியுள்ளது.

2.பட்டியலில் உள்ள மதவழிபாட்டுத் தளங்களை மீட்க வேண்டும் என்பதுதான் reclaim என்பதன் பொருள். அவர்கள் பட்டியலிடும் இசுலாமிய வழிபாட்டு தளங்களின் பெயர், இடம் ஆகியவற்றில் சில பிழை இருப்பினும், அவர்கள் நோக்கம் இசுலாமிய வழிபாட்டு தளங்களை குறிவைத்து தாக்கி, இந்து – முஸ்லீம் பிரிவினையை உருவாக்கி கலவரத்தை தூண்டுவதாகும்.  இந்தப் பட்டியலில் நாடு முழுவதும் 1856 இசுலாமிய வழிபாட்டுத் தலங்கள் சேர்க்கப்பட்டுள்ளன. தமிழ்நாட்டில் மட்டும் 175 தர்கா & மசூதிகள் அந்த பட்டியலில் உள்ளது. அவற்றில் ஒன்றுதான் திருப்பரங்குன்றம் மலையின் சிக்கந்தர் தர்கா.

3.இதில் அச்சம் தரக்கூடிய விசயம் என்னவென்றால், இது முழுப்பட்டியல் இல்லையாம். இன்னும் இது போன்று பல இசுலாமிய வழிபாட்டு தளங்களை ஆராய வேண்டும் என்கிறது அந்த வலைதளம். அந்த வலைத்தளத்தில்  Articles என்ற தலைப்பை சொடுக்கி, திறக்கிற பக்கத்தில் இந்தியா முழுக்க ஒவ்வொரு மாநிலத்தின் இசுலாமிய வழிபாட்டு தலங்கள் படம் வருகிறது. அந்தந்த மாநிலத்தின் படத்தின் மீது சொடுக்கினால், பட்டியல் விரியும்.

1 Andhra Pradesh 142

2 Assam 2

3 Bihar 77

4 Delhi 72

5 Diu & Daman 1

6 Gujarat 170

7 Haryana 77

8 Himachal Pradesh 1

9 Karnataka 192

10 Kashmir 52

11 Kerala 2

12 Lakshadweep 2

13 Madya Pradesh 151

14 Maharastra 143

15 Odisha 12

16 Punjab 14

17 Rajasthan 170

18 Tamil Nadu 175

19 Uttar Pradesh 299

20 West Bengal 102

Total India 1856

4.ஆக, எப்படி பாபர் மசூதியுடன் நிற்காமல் மதுரா, காசி,ஞானவாபி என்று விரிகிறதோ, அதேபோல இதுவும் திருப்பரங்குன்றத்துடன் நிற்கப்போவதில்லை என்று தெரிகிறது. ஆக திருப்பரங்குன்றம் பிரச்சனை என்பது கார்த்திகை தீபம் ஏற்றுகிற நடவடிக்கை அல்ல. இது திட்டமிடப்பட்ட  சதித்திட்டமாகும்.

5.இதில்,கவனிக்க வேண்டிய மற்றொரு செய்தி – வி.எச்.பி, பா.ஜ.க , சங்  பரிவாரங்கள் இப்படிப் பட்டியலை தயாரித்துள்ளன என்பதை 2002இலேயே சபரங்க் (sabrangindia.in) வலைதளம் அம்பலப்படுத்திப் பட்டியலிட்டுள்ளது.

2022-லும் எழுதியுள்ளது.

இந்த (reclaimtemples.com) வலைதளம் கேரள முகவரியைக் கொண்டுள்ளது.

ஆனால், இதன் வலைதளப் பதிவர் யார் என்று தேடினால், mailing address    கரீபியன் தீவில் உள்ள  நாடான கீழ்கண்ட பஹாமாஸ் முகவரியைக் கொண்டிருக்கிறது.

இணையதள பதிவர் முகவரி:

OCEAN CENTRE, MONTAGU FORESHORE EAST BAY STREET, PO BOX SS-19084, NASSAU, BAHAMAS

6.பஹாமாலீக்ஸ் என்ற கறுப்புப்பண விவகாரத்துடன் தொடர்புடைய பல நிறுவனங்கள் அமைந்திருக்கிற பகாமாஸ் முகவரி இதற்கும் கொடுக்கப்பட்டிருக்கிறது. ஆக,      தமிழ்நாட்டில் வன்முறையைத் தூண்ட சர்வதேச அளவில் நிதி திரட்டி    மிக விரிவான திட்டத்துடன் இவர்கள் செயல்பட்டுக் கொண்டிருக்கிறார்கள் என்பது தெளிவாகத் தெரிகிறது.

1 Malik ibn Dinar Mosque Kovalam Chengalpattu

2 Big Mosque Poonamallee Chennai

3 Walajah Big Mosque Triplicane Chennai

4 Kottai Hidayathul Islam Safia Jamath Ukkadam Coimbatore

5 Sulthan Alavudeen Dargah Goripalayam Madurai

6 Sikkanthar Dargah Tirupparakundram Madurai

7 Syed Sultan Oliyullah Darga Periyapattinam Ramanathapuram

8 Muhammad Qasim Appa Dargah Kilakkarai Ramanathapuram

9 Masjid Kulangarai Appa Palli Kilakkarai Ramanathapuram

10 Kattupalli Dargah Shareef Valinokkam Ramanathapuram

11 JUMMA MOSQUE Valinokkam Ramanathapuram

12 Ibrahim Bava Dargah Erwadi Ramanathapuram

13 Hazrath Syedina Syed Ismail Sadath Tharangambadi Mayiladuthurai

14 Nagore Dharga Nagore Nagapattinam

8.இசுலாமிய வழிபாட்டு தளம் மட்டுல்ல கிறித்துவ தேவாலயங்களையும் அவர்கள் குறிவைக்கிறார்கள். தென்காசி மாவட்டம், சங்கரன்கோயில் வட்டம், திருமலாபுரம் பசுபதேசுவரர் குடைவரைக் கோயில் அமைந்துள்ள மலைமீது திருமலை மாதா புனித லூர்து அன்னை கிறித்துவ தேவாலயம் உள்ளது. அது அகற்றப்பட வேண்டும் என இந்த வலைத்தளம் குறிப்பிடுகிறது.

ஆகவே, இந்திய நாட்டின் ஆன்மாவாக விளங்குகிற சமத்துவம், சகோதரத்துவம், மதசார்பின்மைக்கு எதிரான தாக்குதலை இந்த வலைத்தளம் செய்கிறது.  மதவழிபாட்டுத் தலங்கள் பாதுகாப்புச் சட்டத்தின்படி, இந்த இணையதளம் சட்டவிரோதமானதாகும். திருப்பரங்குன்றத்தில் போராட்டம் செய்யும் அமைப்புகள், கட்சிகளுக்குமான  தொடர்பை காவல்துறை விசாரிக்க வேண்டும்.

எனவே reclaimtemples.com வலைத்தளம் மீதும், இதன் உரிமையாளர், உறுப்பினர், நன்கொடையாளர், யாருக்கு நிதி உதவி செய்தார்கள், சர்வதேச தொடர்பு, சங்பரிவார் தொடர்பு , இவர்களுக்கும் திருப்பரங்குன்றம் பிரச்சனைக்குமான தொடர்பு, ராம ரவிக்குமாரின் வங்கிக்கணக்குகள்  குறித்து விசாரித்து  அனைவரும் மீதும் சட்டப்படி உரிய நடவடிக்கை எடுக்க கோருகிறேன்.” என்பதாக அந்த புகார் மனுவில் குறிப்பிட்டிருக்கிறார், வழக்கறிஞர் சே.வாஞ்சிநாதன்.

இந்து மதத்தின் காவலர்களாக காட்டிக் கொள்ளும் முன்னணி இந்து அமைப்புகளின் உண்மை முகத்தை, அவர்களின் சதித்திட்டங்களை அம்பலப்படுத்தும் வகையில் அமைந்திருக்கிறது, வழக்கறிஞர் சே.வாஞ்சிநாதன் வெளியிட்டிருக்கும் புதிய தகவல்கள்.