“நாட்டார் வழக்காற்றியலுக்குக் கள ஆய்வு முதன்மையாது” – யாவரும் கேளீர் – தமிழியல் பொதுமேடை – தொடா் 30

திருச்சியில் அடகு நகையை விற்க

அங்குசம் சமூக நல அறக்கட்டளையின் சார்பில் யாவரும் கேளீர் – தமிழியல் பொதுமேடையின் 30 ஆம் நிகழ்வு, செப்டம்பர்-27 அன்று  27 அன்று படைப்பாளர் அரங்கமாக நடைபெற்றது. இந் நிகழ்வில் நாட்டுப்புறவியல் தொடர்பாக பல நூல்களை எழுதிய ஆசிரியர் முனைவர் கனிமொழி செல்லதுரை கலந்துகொண்டு சிறப்புரையாற்றினார். நிகழ்ச்சி ஒருங்கிணைப்பாளர் பேராசிரியர் கி.சதீஷ்குமாரன் சிறப்புரையாளரை அறிமுகம் செய்து வைத்தார். நிகழ்ச்சியின் புரவலர் பேராசிரியர் ரெ.நல்லமுத்து பயனாடை அணிவித்து சிறப்பு செய்தார். பெரியார் விருதாளர் திருச்சி தி.அன்பழகன் நூல்களைச் சிறப்புரையாளருக்குப் பரிசாக வழங்கினார். அங்குசம் அறக்கட்டளையின் தலைவர் ஜெடிஆர் யாவரும் கேளீர் ஓராண்டு தொகுப்பு நூலை சிறப்புரையாளருக்கு வழங்கினார்.

நிகழ்ச்சி ஒருங்கிணைப்பாளர் பேராசிரியர் கி.சதீஷ்குமாரன் தொடக்கவுரையில், “தமிழக நாட்டுப்புறவியல் ஆய்வாளர்களில் குறிப்பிடத்தக்க முன்னோடி ஆய்வாளர். குறிப்பாக ஓர் அரசு பள்ளி ஆசிரியராக இருந்துகொண்டு நாட்டுப்புறவியல் துறையில் முத்திரை பதித்துக் கொண்டிருக்கிறவர். தொடர்ந்து எழுத்து, பேச்சு, செயல்பாடு என மூன்று தளங்களிலும் சிறப்பாக இயங்கிக் கொண்டிருக்கின்ற முனைவர் கனிமொழி செல்லத்துரை அவர்கள் நாட்டுப்புறவியல் தொடர்பாக பல நூல்களை எழுதி துறைக்குச் சிறப்பு சேர்த்துள்ளார்.

Angusam Cinema - அங்குசம் சினிமா சேனல்

நாட்டார் வழக்காற்றியல் என்கிற சொல் என்பது நமக்கு 20 ஆம் நூற்றாண்டில்தான் தமிழகத்தில் கொஞ்சம் அறியப்பட்டது. இன்னும் சொல்லப்போனால் தமிழகத்தில தென்கோடியில் நெல்லையில் உள்ள தூய சேவியர் கல்லூரியில் அதற்கான ஒரு துறை உருவாக்கப்பட்டது. பின்னர் 80 களில் தொடங்கப்பட்ட தமிழ்ப் பல்கலைக்கழகத்தில் நாட்டுப்புறவியல் துறை தொடங்கப்பட்டது. நாட்டுப்புறவியல் துறைக்கென்று ஒரு தனி பல்கலைக்கழகமே உருவாக்கப்பட வேண்டிய அளவுக்கு தமிழ்நாட்டில் அரிய ஆவணங்கள் நம்மிடையே இருக்கிறது.

https://www.livyashree.com/

நாட்டுப்புறவியல் ஆய்வு என்பது அறையில் அமர்ந்துகொண்டு ஆய்வு செய்யமுடியாது. களத்திற்குச் செல்லவேண்டும். மக்களிடம் பழகவேண்டும். செய்திகளைப் பெறவேண்டும். பெற்ற செய்தியின் உண்மை தன்மையை உணரவேண்டும் போன்ற கடுமையான பணிகளைக் கொண்ட நாட்டுப்புறவியல் துறையில் கால்பதித்து, தமிழகத்தின் தலை சிறந்த ஆய்வளாராக உள்ள முனைவர் கனிமொழி செல்லதுரை நாட்டுப்புறவியல் ஆய்வுகளின் வழியாக தமிழர்களின் மண்சார்ந்த செய்திகளைப் பகிர்ந்து வருகிறார்.” என்று உரையை நிறைவு செய்தார்.

நிகழ்வில் சிறப்புரையாற்றிய முனைவர் கனிமொழி செல்லதுரை, “நான் நாட்டார் வழக்காற்றியல் என்னும் இநத் நாட்டுப்புறவியல் துறைக்குள்ள எப்படி வந்தேன் என்றால் என்னுடைய முனைவர் பட்ட ஆய்வுதான் அதுக்கு ஒரு தொடக்கப் புள்ளியா இருந்தது என்று சொல்லலாம். ஜமால் முகமது கல்லூரியில் இன்றைய தமிழ்த்துறை தலைவராக இருக்கக்கூடிய நாகூர் கனி அவர்களிடம் நாகை மாவட்ட பழமொழிகள் என்னும் தலைப்பில் என்னுடைய முனைவர் பட்ட ஆய்வு பணியைத் தொடங்கினேன். நான் கிராம பின்புலத்தில இருந்து வளர்ந்தவள் என்பதும் அதைவிட இன்றியமையாத செய்தி, நான் நிறைய கிராம பள்ளிக்கூடங்களில் பணியாற்றிக் கொண்டிருக்கிறேன் என்பதுதான். இது எல்லாமே எனக்கு அடித்தளமாக அமைந்தது என்று சொல்லலாம். அதன் அடிப்படையில்தான் நான் இந்த பழமொழிகள் என்பதை நான் ஆய்வுக்கு தேர்ந்தெடுத்தேன்.

2026 - அங்குசம் தேர்தல் களம் - வீடியோ பார்க்க

இன்றைய காலகட்டத்தில நம்மளுடைய பண்பாடுகளை முழுமையாக தாங்கி இருக்கிறது யாருன்னு கேட்டீங்கன்னா நாட்டார் மக்கள். இப்ப நாட்டார் மக்கள் அப்படிங்கறது நாட்டுப்புற மக்கள் என்று அவங்களதான் சொல்றேன். கிராமத்து மக்கள் அவங்களதான் நான் நாட்டார் அப்படின்னு சொல்றேன். இந்த நாட்டார் மக்களுக்குள்ள சமூகம் எப்படி இயங்கிக்கிட்டு இருக்கு, அதன் மூலமாக இன்னைக்கு அவர்களிடம் உள்ள வழக்காறுகளை வைத்து சமூகத்தின் கடந்த கால இயங்கியலைக் கணிக்க முடியும்.

இன்றைக்குக் கிறித்தவ பண்பாடுகளில் தமிழர்களுடைய கலாச்சாரங்கள் இருக்கும். மொட்டை அடித்துக் கொள்வது என்ற நடைமுறை இன்றைக்கும் உள்ளது. வேளாங்கணிக்கு அதிகமா செல்வது கிராமப்புற கிறித்தவர்கள்தான். திருவிழா காலங்களில் திண்டுக்கல் போன்ற பகுதிகளிலிருந்து நடைபயணமாக செல்வது,  மண்டியிட்டு முட்டி போடுறது, மாலை போட்டு விரதம் இருக்கிறது இது எல்லாமே தமிழர்களின் பண்பாடு.  கிறித்துவ மத அமைப்புஅதை ஏற்று கொள்ளாது. கிராமப்புற கிறித்துவம் வருகையால் அதை ஏற்று கொள்ளுகிற நிலை ஏற்பட்டுள்ளது.

நாட்டார் தெய்வங்களை பொறுத்தவரைக்கும் இறந்தவர்களைதான் வழிபட்டு கொண்டிருக்கிறோம். அங்கேயும் பாத்தீங்கன்னா புனிதர்களை வழிபடுறாங்க. அந்தோனியார், சவேரியார் அது மாதிரியான தெய்வங்களை வழிபடுகின்றனர். சமூகத்துல நாட்டார் வழக்காற்றியலும் கிறித்தவ சமூகத்துல மிகப்பெரிய ஒரு அடித்தளமாக இருக்கின்றது.

ராவுத்தர் என்றால் நம்மில் பெருமான்மையோர்  எடுத்த உடனே சொல்வது இஸ்லாமியர் என்றுதான் சொல்லுவோம். இஸ்லாமியர்களும் ஒரு நாட்டார் மக்களே. இப்ப வேதாரண்யம் பகுதி எடுத்துக்கொண்டால், தகட்டூரில் ராவுத்தசாமி அப்படின்னு சொல்லிட்டு ஒரு கோவில் இருக்கு. அவருக்கு இரண்டு பேர். அவங்க வந்து  காத்தாயி கருப்பாயி அப்படின்னு சொல்லிட்டு இரண்டு மனைவிகள் இருக்காங்க. இது கொஞ்சம் வித்தியாசமான வேற ஒரு பண்பாடாக இருந்து வந்துள்ளது. நாட்டார் பண்பாடும் இஸ்லாமிய பண்பாடும் இதன் மூலமா வந்து என்பதை வெளிப்படையா சொல்லிட முடியாது. எதார்த்தமான பின்னணி எல்லாம் நிறைய பார்க்க வேண்டியது இருக்கு. அப்படி பார்க்கும்போது தமிழகத்தில இன்னும் பல பகுதில கொங்கு பகுதிகளில் ராவுத்தமார் அப்படின்னு சொல்லிட்டு ஒரு வழிபாடு இருக்கின்றது.

எல்லா பகுதிக்கும் முழுமையா நான்  போகும்போது நான் தனியாதான் போனேன். நாகப்பட்டினம் மாவட்டம் திருவாரூர் மாவட்டம் தஞ்சை பகுதிகள் பட்டு பட்டுக்கோட்டை ஒரத்தநாடு அந்த பகுதிகள். அப்புறம் இங்க கொங்கு பகுதி அதே மாதிரி கர்நாடகா இது எல்லாமே நான் தனியாதான் போயிருந்தேன். ஒரு நாட்டார் வழக்காற்றியலுக்காக ஒரு பெண் இவ்வளவு தூரம் பயணிச்சிருக்காங்க அப்படிங்கறது தமிழ்நாட்டில வந்து எனக்கு தெரிய எந்த கல்லூரி பல்கலைக்கழகத்தில இப்படி ஒரு பெண் தனியாக போய் ஆய்வு பண்ணிருப்பாங்கல்லாம் தெரியாது. என்றாலும் நாட்டுப்புறவியல் என்னும் நாட்டார் வழக்காற்றியல் தொடர்பான பண்பாடுகளைத் தெரிந்துகொள்ள களவு ஆய்வு என்பது இன்றியமையாதது. அதன் அடிப்படையில்தான் பல நூல்களை எழுதியிருக்கிறேன்” என்று உரையை நிறைவு செய்தார்.

—   ஆதவன்

திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen #business #trending