“தமிழர்களை நம்பி வந்துள்ளோம்”– மலையாள நடிகர் & டைரக்டர் ஜோஜு ஜார்ஜ்!

Appu Pathu Pappu Production House மற்றும் ADS Studios தயாரிப்பில்,

மலையாள சினிமாவின் பிரபல நடிகர் ஜோஜு ஜார்ஜ் முதன் முறையாக இயக்கி நடித்திருக்கும் படம் ‘பணி’. த்ரில்லர் டிராமாவாக உருவாகியுள்ள இப்படம் மலையாளத்தில் வெளியாகி ஐந்து வாரங்களைக் கடந்து வெற்றிகரமாக ஓடிக் கொண்டிருக்கிறது.  தற்போது தமிழில் நாளை (நவம்பர் 22) ஆம் தேதி வெளியாகிறது. இப்படத்தை தமிழகமெங்கும்

ஶ்ரீ கோகுலம் மூவிஸ் வெளியிடுகிறது.

தமிழில் ‘பணி’ வெளியாவதால் சென்னையில் பத்திரிகையாளர்களுக்கு சிறப்புத்  திரையிடல் செய்யப்பட்டது. அதனைத் தொடர்ந்து படக்குழுவினர் பத்திரிகை ஊடக பண்பலை நண்பர்களைச் சந்தித்து படம் குறித்து தகவல்களைப்  பகிர்ந்து கொண்டனர். இந்நிகழ்வினில் பேசியவர்கள்….

நடிகர் ரஞ்சித் வேலாயுதம்,

“தமிழில் எனக்கு முதல் படம் கௌதம் சாரின் ‘விண்ணைத் தாண்டி வருவாயா?’ இப்போது பணி மூலம் மீண்டும் வருவது மகிழ்ச்சி. ஜோஜு ஜார்ஜ் மலையாளத்தில் மிகப்பெரும் நடிகர்.  அவரது இயக்கத்தில் நடித்தது மகிழ்ச்சி. படம் உங்களுக்கு பிடித்திருக்குமென நம்புகிறேன். தமிழில் உங்கள் ஆதரவைத் தாருங்கள்”.

நடிகை அபயா ஹிரன்மயா,

“பணி படம் முழுதும்   ஜோஜு ஜார்ஜ் தான். இது அவரது படைப்பு. கேரளாவில் இந்தப்படத்திற்கு நல்ல வரவேற்பு கிடைத்துள்ளது. இங்கும் நல்ல வரவேற்பைத் தருவீர்கள் என நம்புகிறேன்”

தொடர் செய்திகளுக்கு அங்குசம் இதழ் வாட்ஸ்ஆப் சேனலில் இணைய இங்கே கிளிக் செய்யவும்

நடிகர் ஜுனைஸ்,

“பணி என் முதல் படம். தமிழிலும் நல்ல வரவேற்பைத் தருவீர்கள் என நம்புகிறேன் .எனக்கும் உங்கள் ஆதரவைத் தாருங்கள்”.

நடிகர் ஜாகர் சூர்யா,

“இப்படத்தில் நடித்தது நல்ல அனுபவம்.  தமிழில் எங்கள் படம் வெளியாவது மகிழ்ச்சி. உங்கள் ஆதரவைத் தாருங்கள்”.

நடிகை அபிநயா,

“இது ஜோஜு ஜார்ஜ் சாரின் முதல் படம். என்னை இந்த கேரக்டருக்கு தேர்ந்தெடுத்ததற்கு ஜோஜு சாருக்கு நன்றி. இந்தப்படத்தில் மிகப்பெரிய சப்போர்ட்டாக இருந்தார். அவர் மிகச்சிறந்த இயக்குரும் கூட. இந்தப்படத்தில் நடித்தது மகிழ்ச்சி. இந்தப்படம் பார்த்திருப்பீர்கள்.  உங்களுக்கு பிடித்திருக்குமென நம்புகிறேன். இந்தப்படத்திற்கு உங்கள் ஆதரவைத் தாருங்கள்”

நடிகர்& டைரக்டர் ஜோஜு ஜார்ஜ்,

“என் தமிழ் நன்றாக இருக்காது. அதற்காக மன்னிக்கவும். வந்தாரை வாழ வைக்கும் தமிழகம் என நம்பி வந்திருக்கிறேன். எனக்கு இங்கு நிறைய நண்பர்கள் இருக்கிறார்கள். அவர்கள் ஊக்குவித்து  இங்கு ரிலீஸ் செய்ய சொன்னதால் தான்  ரிலீஸ் செய்கிறோம். உங்களுக்கு பிடிக்கும் என நம்புகிறேன்.

இந்தப் படத்திற்காக 2 வருடம் நடிப்பிலிருந்து பிரேக் எடுத்து, இந்தப்படம் செய்தேன். இப்படத்தில் பணிபுரிந்த அனைவரும் எனக்கு மிகப்பெரிய ஆதரவாக இருந்தார்கள். இங்கு மணிரத்னம் சார், கமல் சார், விக்ரம் சார் கார்த்திக் சுப்புராஜ் மற்றும்  எல்லோரும் மிகப்பெரிய ஆதரவைத் தந்தார்கள்.

சந்தோஷ் நாராயணன் எனக்காக ஸ்பெஷல் பாடல் தந்தார். அனைவருக்கும் என் நன்றிகள். உங்கள் ஆதரவைத் தாருங்கள். இந்தப்படத்தை தமிழில் நாங்கள் பெரிய அளவில், விளம்பரம் செய்யவில்லை. நீங்கள் தான் ஆதரவு தந்து, இப்படத்தை மக்களிடம் கொண்டு செல்ல வேண்டும்”.

தயாரிப்பாளர்கள் M ரியாஸ் ஆடம், சிஜோ வடக்கன் தயாரித்துள்ளனர். ஜோஜு ஜார்ஜ் எழுதி இயக்கியுள்ளார். ஜோஜு ஜார்ஜ், சாகர் சூர்யா, ஜுனைஸ் வி.பி., பாபி குரியன், அபிநயா, அபயா ஹிரண்மயி, சீமா, சாந்தினி ஸ்ரீதரன், பிரசாந்த் அலெக்சாண்டர், சுஜித் சங்கர், ரினோஷ் ஜார்ஜ் ஆகியோர் நடித்துள்ளனர். இத்திரைப்படத்தில் விஷ்ணு விஜய், சாம் சி. எஸ் இசையமைத்துள்ளனர்.

 

— மதுரை  மாறன்.