ESSHA GROUPS திருச்சி தொழில் அதிபர்களை குறி வைத்து புதுவகை மோசடி – மனைவி கைது ! கணவர் தலைமறைவு !

அவரது நிறுவனத்தில் ஒரு இலட்சம் முதலீடு செய்தால், மாதந்தோறும் 8 முதல் 10 சதவீதம் வரையில் லாபத்தொகை தருவதாகக்கூறி ஆசை வார்த்தைகளில் நம்ப வைத்ததாகவும் பல தவணைகளில் கொடுத்த பணத்தை திரும்பக் கொடுக்கவில்லை என்பதாக, திருச்சி தென்னூர், அண்ணாநகரைச் சேர்ந்த சையத் நஜிர் என்பவர் திருச்சி பொருளாதாரக் குற்றப்பிரிவு போலீசாரிடம் புகார் அளித்திருக்கிறார்.

முதற்கட்ட விசாரணையில் மேற்படி நிறுவனம் மோசடியாக பலரிடமும் பணம் வசூலித்துவிட்டு ஏமாற்றியிருப்பது தெரிய வந்திருக்கிறது. இதுவரை நாற்பதுக்கும் அதிகமானோர் புகார் அளித்திருப்பதாக தெரிவிக்கிறார்கள். சுமார் 3 கோடிக்கும் அதிகமான அளவில் ஏமாற்றப்பட்டிருப்பதாகவும் தெரிவிக்கிறார்கள். இதனையடுத்தே, திருச்சி பொருளாதார குற்றப்பிரிவு குற்ற எண். 08/2024 U/S 406, 420, IPC & Sec 5 of TNPID-ன் படி வழக்கு பதிவு செய்து திருச்சி மாவட்ட பொருளாதாரக்குற்றப்பிரிவு போலீசார் விசாரணையை தொடர்ந்து வருகிறார்கள.