நிஜத்தை விட்டு நிழலைத் தேடும் Gen Z தலைமுறை ! பாகம் – 01

திருச்சியில் அடகு நகையை விற்க

உலக அளவில் ‘Gen Z’ என்று அழைக்கப்படும் இன்றைய இளைய தலைமுறை, அநீதிக்கு எதிராகக் குரல் கொடுக்கும், கார்ப்பரேட் ஆதிக்கத்தை வெறுக்கும், மற்றும் வெளிப்படைத்தன்மையை விரும்பும் ஒரு விழிப்புணர்வு பெற்ற தலைமுறையாகப் பார்க்கப்படுகிறது.

ஆனால், தமிழ்நாட்டின் அரசியல் களத்திலோ ஒரு விசித்திரமான முரண்பாடு நிலவுகிறது. சமூக வலைதளங்களில் “சிஸ்டம் சரியில்லை” என்று பதிவிடும் அதே இளைஞர்கள், நிஜ வாழ்க்கையில் மக்களுக்காகப் போராடும் களப்போராளிகளைத் புறக்கணித்துவிட்டு, குளிர்சாதன வசதி கொண்ட கேரவனிலிருந்து கையசைக்கும் சினிமா நட்சத்திரங்களைத் தங்களின் அரசியல் தலைவர்களாக ஏற்றுக்கொள்கிறார்கள். இது வெறும் குருட்டு பக்தி அல்ல; இது நவீன கவனப் பொருளாதாரத்தால் (Attention Economy) கட்டமைக்கப்பட்ட ஒரு சிக்கலான உளவியல் மற்றும் அரசியல் தேர்வாகும்.

இந்த வார JANUARY - 28 அங்குசம் இதழில்…2026 ANGUSAM WEEKLY BOOK

தமிழ்நாட்டு இளைஞர்கள் ஏன் “நிஜத்தை” (உழைப்பை) விட்டுவிட்டு “நிழலை” (பிம்பத்தை) தேர்ந்தெடுக்கிறார்கள் என்பதற்கான முக்கியக் காரணங்களை பார்ப்போம்.

1.மூளை தேடும் எளிமை:

முதல்வர் பிறந்தநாள்

மனித மூளை இயல்பாகவே அதிக ஆற்றலைச் செலவழிக்க விரும்புவதில்லை. அது கடினமான சிந்தனையை விட, எளிமையான முடிவுகளையே விரும்புகிறது. ஒரு சமூகப் போராளியைப் பார்க்கும் இளைஞர்கள், அங்கே கடுமையான உழைப்பு, வறுமையின் கோர முகம் மற்றும் சிக்கலான கொள்கை ஆவணங்களைப் பார்க்கிறார்கள். இவர்களைப் புரிந்துகொள்ள அதிக அறிவுசார் உழைப்பு தேவைப்படுகிறது. மாறாக, சினிமா நட்சத்திரங்கள் ஏற்கனவே ஒரு “ஒளிவட்டத்துடன்” (Halo Effect) வருகிறார்கள். அவர்கள் திரையில் அழகாகவும், வெற்றியாளர்களாகவும் தெரிவதால், அவர்கள் அரசியலிலும் திறமையானவர்களாகவும், நல்லவர்களாகவும் இருப்பார்கள் என்று மூளை எளிதாக நம்புகிறது. தகவல்களால் திணறடிக்கப்படும் இன்றைய இளைஞர்களுக்கு, நட்சத்திரத்தை ஆதரிப்பது ஒரு எளிதான மனக் குறுக்குவழியாக (Mental Shortcut) அமைகிறது.

2.உறவுமுறை – ‘தலைவன்‘ அல்ல, ‘அண்ணன்‘:

2026 - அங்குசம் தேர்தல் களம் - வீடியோ பார்க்க

உளவியல் ரீதியாக, ரசிகர்கள் தங்கள் திரையுலக நாயகர்களுடன் ஒரு நெருக்கமான உறவை வளர்த்துக் கொள்கிறார்கள். தமிழ்நாட்டில் நடிகர்கள் வெறும் நடிகர்களாகப் பார்க்கப்படுவதில்லை; அவர்கள் ‘தளபதி‘, ‘தல‘ மற்றும் மிக முக்கியமாக ‘அண்ணன்‘ என்று அழைக்கப்படுகிறார்கள். இந்த உறவுமுறை இளைஞர்களுக்கு ஒரு குடும்ப உணர்வைத் தருகிறது. மாறாக, சமூக ஆர்வலர்கள் பெரும்பாலும் “வாத்தியார்” அல்லது “அறநெறி போதகர்” போலத் தெரிகிறார்கள். அவர்கள் நாம் செய்யும் தவறுகளைச் சுட்டிக்காட்டுபவர்களாக இருக்கிறார்கள். தனிமையில் வாடும் இளைஞர்களுக்கு, போராளி ஒரு லட்சியத்தைத் தருகிறார், ஆனால் நட்சத்திரமோ ஒரு குடும்பத்தைத் தருகிறார்.

3.மீட்பர் மனப்பான்மை

திராவிட அரசியல் வரலாறு சினிமாவையும் அரசியலையும் பின்னிப் பிணைத்தது. எம்.ஜி.ஆர் திரையில் வெறும் நடிகராக இல்லாமல், ஏழை ரிக்ஷாக்காரராகவும், விவசாயியாகவும் வாழ்ந்து காட்டினார். இன்றைய இளைஞர்கள் ஊழலாலும், வேலையின்மையாலும் விரக்தியடைந்துள்ளனர். ‘சர்கார்‘ அல்லது ‘கத்தி‘ போன்ற படங்களில் ஒரு கதாநாயகன் தனி ஆளாக கார்ப்பரேட் சாம்ராஜ்யத்தை அழிப்பதைப் பார்க்கும்போது, அவர்கள் அந்தத் திரை பிம்பத்தை நிஜத்துடனும் ஒப்பிட்டுக் கொள்கிறார்கள். நிஜ உலகில் போராளி தினமும் தோற்கலாம். ஆனால் திரை நாயகன் இரண்டரை மணி நேரத்தில் வெல்கிறான். அந்த உடனடி வெற்றிக்கான சாத்தியத்தையே இளைஞர்கள் வாக்களிக்கத் தேர்ந்தெடுக்கிறார்கள்.

இன்ஸ்டாகிராமிலேயே மூழ்கிக்கிடக்கும் இளசுகளுக்கு சினிமா நட்சத்திரங்கள் புரட்சியாளர்களாகவே தெரிகிறார்கள் … அது எப்படி என்பதை அடுத்த தொடரில் பேசுவோம்.

தொடரும்

—   ராஜசேகர் P

திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen #business #trending