அங்குசம் வாட்ஸ் ஆப் சேனலில் இணையுங்கள்...
திருச்சியில் அடகு நகையை விற்க
ஹீரோ வொர்ஷிப் எனப்படும் நாயகன் வழிபாடு ஐ.பி.எல்.லில் மட்டுமின்றி, ஃபுட்பால், பேஸ்கட்பால் போன்ற விளையாட்டுகளிலும் உண்டு. கிரிக்கெட்டில் அது மிக அதிகம். டீம் ஆட்டங்களில் அணியின் வெற்றியையும் தாண்டி, தனிப்பட்ட நபர்களின் ரன்களும், விக்கெட்டுகளும் ரசிகர்களைக் கவர்வது இயல்பு. இந்தியர்களுக்கு கற்பனைக் கதையாக இருந்தாலும், சினிமா, அரசியல், விளையாட்டு என எதுவாக இருந்தாலும் அதில் ஒரு ஹீரோ இருக்க வேண்டும். அவர் வில்லன்களை துவம்சம் செய்ய வேண்டும். அப்படி செய்யாவிட்டால், ரசிகர்கள் வார்த்தைகளால் துவம்சம் செய்து விடுவார்கள்.
ராஜஸ்தான் ராயல்ஸூடனான சென்னை சூப்பர் கிங்ஸின் ஆட்டத்தில் தோனியின் ஸ்டம்ப்பிங், அஸ்வினின் பந்து வீச்சு இவையெல்லாம் சி.எஸ்.கே. ரசிகர்களை ஈர்த்தாலும், தொடர் தோல்விகள் அணியை நெருக்கடிக்குள்ளாக்கியுள்ளன. ஒட்டுமொத்த அணி வீக்காக இருப்பதை ரசிகர்களால் புரிந்து கொள்ள முடிகிறது. ஆனால், அவர்களின் மனசு ஏற்றுக்கொள்ள மறுக்கிறது. ஹேட்டர்ஸூக்கு என்ன பதில் சொல்வது என்ற பதைபதைப்பில், தாங்கள் விரும்பும் டீமின் ஆட்டத்தை விமர்சிப்பதும், ஸ்டேடியத்திலிருந்து திட்டுவதும், சமூக வலைத்தளங்களில் கோபத்தை வெளிப்படுத்துவதுமாக இருக்கிறார்கள். கிரிக்கெட்டின் தன்மைக்கேற்ப மாறாதபோது இதுபோன்ற எதிர்ப்புகள் சகஜம்.
Angusam Cinema - அங்குசம் சினிமா சேனல்
1970-களின் நடுப்பகுதியில் கிரிக்கெட் ஆட்டத்தின் தன்மைகள் மாறிக்கொண்டிருந்தன. முதல் உலகக்கோப்பைப் போட்டி 1975-இல் நடந்து முடிந்தது. ஃபாஸ்ட் பவுலர்கள் ஒவ்வொரு அணியிலும் திறமையை வெளிப்படுத்தி வந்தார்கள். அதிரடி பேட்ஸ்மென் கொண்ட அணிகளாக வெஸ்ட் இன்டீஸ், ஆஸ்திரேலியா ஆகியவை முன்னணி வகித்தன. இந்தியாவில் நவாப் அலிகான் பட்டோடி, அஜித் வடேகர், ஃபரூக் இன்ஜினியர் போன்றவர்கள் ரிடையர்டாக, ஸ்பின் பவுலரான பிஷன் சிங் பேடி கேப்டன் ஆனார். இந்திய கிரிக்கெட் டீம் வலிமையாக இல்லை என்ற அதிருப்தி ரசிகர்களிடம் வெளிப்பட்டு வந்தது. அந்த நேரத்தில்தான் கவாஸ்கரும் கபில்தேவும் இந்திய அணியில் இடம்பிடித்து ரசிகர்களை ஈர்க்கத் தொடடங்கினர். இருவரையும் ஈர்க்க முயற்சித்தது பாக்கர் டீம்.
இம்ரான்கான் சிக்கியது போல, கபில் அவர்களிடம் சிக்கவில்லை. கவாஸ்கர் நிலை வேறு. இந்தியாவின் ஓபனிங் பேட்ஸ்மேனாக வெஸ்ட் இன்டீஸ், இங்கிலாந்து என வெளிநாட்டு பிட்ச்களில் உலகின் அதி சிறந்த ஃபாஸ்ட் பவுலர்களை ஹெல்மெட் அணியாமல் எதிர்கொண்டார் கவாஸ்கர். நின்று நிதானித்து பந்தை கவனித்து, அதற்கேற்ற ஃபுட் ஒர்க்குடன் பேட்டிங் செய்வது கவாஸ்கரின் பாணி. செஞ்சுரிகளாக விளாசினார். இதுதான் பாக்கர் டீமை ஈர்த்தது.
https://www.livyashree.com/
தன்னிடம் பேச வந்தவர்களிடம், “வோர்ல்ட் சீரிஸ் கிரிகெட்டில் விளையாட விருப்பம்தான். ஆனா, இந்திய அணியோட மேட்ச் இருக்கும்போது நான் இந்தியாவுக்குத்தான் விளையாடியாகணும்” என்பதைச் சொன்னார் கவாஸ்கர். பாக்கர் டீம் யோசித்தது. தகவல் வெளியே கசிந்தது.
பி.சி.சி.ஐ.யில் இது பற்றி ஆலோசிக்கப்பட்டபோது, பிஷன் சிங் பேடியின் குரல் சற்று அதிர்ந்து ஒலித்தது.
2026 - அங்குசம் தேர்தல் களம் - வீடியோ பார்க்க
“கிரிக்கெட்டுங்கிறது கொடுக்கல், வாங்கல் விவகாரமா? பேட்ஸ்மேன் என்றால் டீம் ஸ்பிரிட்டோடு நாட்டுக்காக விளையாடணும். ஒரு பக்கம் விலை போய்விட்டு, இன்னொரு பக்கத்திலிருந்து கூப்பிடும்போது போவேன்னு சொல்றதெல்லாம் கிரிக்கெட்டல்ல, வியாபாரம்” என்றார். பேடியிடமிருந்த கேப்டன் பதவிதான், வெஸ்ட் அணியுடனான 6 டெஸ்ட் மேட்ச் சீரிஸின்போது கவாஸ்கர் வசம் வந்தது என்பது கவனிக்கத்தக்கது.
இந்திய அணிக்கு இன்னொரு நெருக்கடியும் இருந்தது. தென்னாப்பிரிக்கா அரசு வெள்ளையர்களால் ஆளப்பட்டு வந்த நேரம். கருப்பின மக்கள் நடத்திய உரிமைப் போராட்டங்கள் நசுக்கப்பட்டு வந்தன. நெல்சன் மண்டேலா ஆயுள் கைதியாக தனிமைச் சிறையில் ஆண்டுக்கணக்கில் அடைக்கப்பட்டிருந்தார். நிறவெறியைக் கடைப்பிடிக்கும் தென்னாப்பிரிக்க அரசைக் கண்டிக்கும் வகையில் இந்தியாவும் பிற நாடுகளும் பல தடைகளை விதித்திருந்தன. அதில் ஒன்று, கிரிக்கெட் உள்ளிட்ட விளையாட்டுகளில் தென்னாப்பிரிக்காவை அனுமதிப்பதில்லை என்பது.
பாக்கர் உருவாக்கிய உலக கிரிக்கெட் அணியில் தென்னாப்பிரிக்காவின் சிறந்த ஆட்டக்காரர்களும் இடம்பெற்றிருந்தனர். அவர்களும் வெள்ளைக்காரர்கள்தான். இங்கிலாந்திலிருந்தும், ஆஸ்திரேலியாவிலிருந்தும் தென்னாப்பிரிக்காவுக்குப் போய் விளையாடிக் கொண்டிருந்தவர்களும் உண்டு. அவர்களும்கூட தங்களின் சொந்த நாட்டு அணிக்காக விளையாட முடியாத நிலை இருந்தது. தென்னாப்பிரிக்க வீரர்களுடன் விளையாடினால், கவாஸ்கருக்கு தடை விதிக்கப்படலாம் என்ற நிலை.
பாக்கரின் வோர்ல்டு கிரிக்கெட் சீரிஸில் கவாஸ்கர் பங்கேற்கவில்லை. இங்கிலாந்துடனான இந்தியா மேட்ச்களின்போது கேப்டன் பதவியை இழந்த கவாஸ்கர், ஆஸ்திரேலியாவுடனான சீரிஸின்போது மீண்டும் இந்திய அணியின் கேப்டன் ஆனார்.
அந்த ஆஸ்திரேலியாவைத் தன் வழிக்குக் கொண்டு வருவதில் மெல்ல வெற்றி பெற்றிருந்தார் பாக்கர்.
(ஆட்டம் தொடரும்)
கோவி.லெனின், மூத்த பத்திாிகையாளா்
திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen #business #trending
Comments are closed, but trackbacks and pingbacks are open.