தனலட்சுமி சீனிவாசன் பல்கலைக்கழகத்தில் உலக மருந்தாளுநர் தினம் கொண்டாட்டம்

தங்கம் முழுமையான மதிப்பை பெறும் திருச்சி Livya Shree Gold Bankers

திருச்சிராப்பள்ளி, செப்டம்பர் 25: தனலட்சுமி சீனிவாசன் பல்கலைக்கழகம், சமயபுரம், மருந்தியல் பள்ளியின் சார்பில் உலக மருந்தாளுநர் தினம் வெள்ளிக்கிழமை சிறப்பாகக் கொண்டாடப்பட்டது. இவ்வாண்டிற்கான உலக மருந்தாளுநர் தினத்தின் கருப்பொருள் “ஆரோக்கியமான எதிர்காலத்திற்காக மருந்தாளுநர்களுக்கு அதிகாரமளித்தல்” என்பதாகும்.

மேலும், செப்டம்பர் 17 முதல் 23 வரை அனுசரிக்கப்பட்ட 6-ஆம் தேசிய மருந்துப்பாதுகாப்புக் கண்காணிப்பு வாரத்தின் நிறைவு நிகழ்வாகவும் இந்நிகழ்ச்சி நடைபெற்றது. இவ்வாரத்தின் கருப்பொருள் “மருந்துப்பாதுகாப்புக் கண்காணிப்பின் மூலம் பகுத்தறிவான மருந்துப் பயன்பாட்டை ஊக்குவித்தல் – பாதுகாப்பான சுகாதாரப் பராமரிப்பை நோக்கிய ஒரு முன்னெடுப்பு” என்பதாகும்.

இந்த வார அங்குசம் வார இதழில்…

இந்நிகழ்ச்சி துணை வேந்தர் முனைவர் சி.கே. ரஞ்சன் மற்றும் பதிவாளர் முனைவர் எஸ். செல்வகுமார் ஆகியோரின் வழிகாட்டுதலின் கீழ் நடைபெற்றது.

அண்ணா பல்கலைக்கழகம், திருச்சியின் மருந்தியல் தொழில்நுட்பத்துறை பேராசிரியர் முனைவர் ஏ. புரட்சிக்கொடி சிறப்பு விருந்தினராகக் கலந்து கொண்டு சிறப்புரையாற்றினார். தனது உரையில், மருந்தாளுநர்கள் பொதுமக்களுக்கு எளிதில் அணுகக்கூடிய சுகாதார நிபுணர்களாக இருப்பதையும், மருந்துகளை பாதுகாப்பாகவும் பகுத்தறிவுடனும் பயன்படுத்துவதை உறுதி செய்வதில் அவர்களின் முக்கியப் பங்களிப்பையும் எடுத்துரைத்தார்.

மேலும், இந்திய மருந்துப் பாதுகாப்புக் கண்காணிப்புத் திட்டத்தின் (PvPI) கீழ் மருந்துகளால் ஏற்படும் எதிர் விளைவுகளை (Adverse Drug Reactions – ADRs) முறையாகப் பதிவுசெய்து தெரிவிப்பதன் முக்கியத்துவத்தை அவர் வலியுறுத்தினார். சுயமாக மருந்துகளை உட்கொள்வது மற்றும் ஆன்டிபயாட்டிக் மருந்துகளை தவறாகப் பயன்படுத்துவதைத் தவிர்ப்பதன் மூலம் நுண்ணுயிர் எதிர்ப்புத்தன்மையை (Antimicrobial Resistance) கட்டுப்படுத்த வேண்டியதன் அவசியத்தையும் எடுத்துரைத்தார்.

அங்குசம் குழுமத்துடன் இணைந்து பணியாற்ற வாய்ப்பு.

மேலும், மாணவர்கள் நோயாளிகளுக்கு மருந்து ஆலோசனை வழங்கும் திறனை மேம்படுத்தி, மருத்துவப்பணிகள் மற்றும் மருந்தியல் ஆராய்ச்சியில் தங்களை ஈடுபடுத்திக் கொள்ள வேண்டும் என அறிவுறுத்தினார்.

தேசிய மருந்துப் பாதுகாப்புக் கண்காணிப்பு வாரத்தின் ஒரு பகுதியாக, செப்டம்பர் 23-ஆம் தேதி D.Pharm, B.Pharm மற்றும் Pharm.D மாணவர்களுக்காக மருந்துப் பாதுகாப்புக் கண்காணிப்பு மற்றும் மருந்துப்பாதுகாப்பு தொடர்பான இணையவழி வினாடி வினா போட்டி நடத்தப்பட்டது.

செப்டம்பர் 24-ஆம் தேதி, மருந்தியல் நடைமுறைத்துறையின் சார்பில் ஸ்ரீனிவாசன் மருத்துவக் கல்லூரி மற்றும் மருத்துவமனையில் நோயாளிகள் மற்றும் பொதுமக்களுக்கான விழிப்புணர்வு நிகழ்ச்சி நடத்தப்பட்டது. இந்நிகழ்ச்சியில் மருந்துகளை பகுத்தறிவுடன் பயன்படுத்துவதன் அவசியம் மற்றும் மருந்துகளால் ஏற்படும் எதிர் விளைவுகளை PvP Iகட்டணமில்லா உதவி எண் 1800-180-3024 மூலம் தெரிவிப்பதன் முக்கியத்துவம் குறித்து விழிப்புணர்வு ஏற்படுத்தப்பட்டது.

மேலும், திருச்சிராப்பள்ளி, சிறுகனூர் அரசு மேல்நிலைப் பள்ளியில் சிறப்பு விழிப்புணர்வு நிகழ்ச்சி நடத்தப்பட்டது. இதில் மருந்தியல்  மாணவர்கள் பள்ளி மாணவர்களுடன் நேரடியாகக் கலந்துரையாடி, மருந்துகளை பாதுகாப்பாகவும் பொறுப்புடனும் பயன்படுத்துதல், மருந்துகளால் ஏற்படும் எதிர்விளைவுகள் மற்றும் மருந்து தொடர்பான பிரச்சினைகளை உரிய முறையில் தெரிவிப்பதன் முக்கியத்துவம் குறித்து விழிப்புணர்வு ஏற்படுத்தினர்.

வெள்ளிக்கிழமை காலை, பல்கலைக்கழக வளாகத்தில் “பாதுகாப்பிற்கான நடைப்பயணம்” (Step for Safety) என்ற தலைப்பில் நடைப்பயணம் நடைபெற்றது. மருந்துகளால் ஏற்படும் எதிர் விளைவுகளைப்பதிவு செய்து தெரிவிப்பதன் அவசியம் மற்றும் மருந்துப் பாதுகாப்பு குறித்து மாணவர்கள் மற்றும் பொதுமக்களிடையே விழிப்புணர்வை ஏற்படுத்தும் நோக்கில் இந்நடைப்பயணம் நடத்தப்பட்டது.

இந்நிகழ்ச்சியின் ஒருங்கிணைப்பாளராக மருந்தியல் பள்ளியின் டீன் முனைவர் எஸ். அகிலாண்டேஸ்வரி செயல்பட்டார். பேராசிரியர்கள் முனைவர் பி. ரஜினிகாந்த் மற்றும் முனைவர் ஜி.கே. சடகோபன் ஆகியோர் ஏற்பாட்டுச் செயலாளர்களாக இருந்துநிகழ்ச்சியை ஒருங்கிணைத்தனர். ஆசிரியர்கள் மற்றும் மாணவர்கள் ஆர்வத்துடன் கலந்துகொண்டு நிகழ்ச்சியை சிறப்பித்தனர்.

திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen #business #trending