52 ஆண்டுகளைக் கடந்தும் குறையாத இளமையோடு “ஃபெஸ்டம்பர் 26”

தேசிய தொழில்நுட்பக் கழகம், திருச்சிராப்பள்ளி, செப்டம்பர் 25 முதல் 27 வரை 2026-ஆம் ஆண்டு நடத்தப்பட்ட தனது வருடாந்திரப் பண்பாட்டுத் திருவிழாவான ஃபெஸ்டம்பர்-ன் 52-வது பதிவைவை வெற்றிகரமாக நிறைவு செய்தது. மூன்று நாட்களில், நாடு முழுவதிலுமிருந்து 70-க்கும் மேற்பட்ட கல்லூரிகளிலிருந்து 10,000-த்திற்கும் மேற்பட்ட பங்கேற்பாளர்களை இவ்விழா தன்வசம் ஈர்த்தது. 12 வெவ்வேறு பிரிவுகளின் கீழ் நடத்தப்பட்ட சுமார் 60 போட்டிகளில் மாணவர்கள் தங்கள் திறமைகளை வெளிப்படுத்தினர். ஒட்டுமொத்த சாம்பியன் பட்டத்தை சாஸ்த்ரா கல்லூரி வென்றது.

ஃபெஸ்டம்பர் 26′ விழாவை முதன்மைப் பங்காளராக கோக்கோ கோலா நிறுவனமும், இணை முதன்மைப் பங்காளராக டொயோட்டா நிறுவனமும் இன்கிரிடிபிள் இந்தியா காப்பாளர்களாகவும் செயல்பட்டன. மேலும் ரியல்மி, இந்தியன் ஆயில், மேரியட், சிட்டி யூனியன் வங்கி, தின்க் மியூசிக் மற்றும் ரீ கால் உள்ளிட்ட பல மதிப்புமிக்க நிறுவனங்கள் இந்நிகழ்வுக்கு ஆதரவளித்தன.

தொடக்க விழா

கொண்டாட்டங்களின் தொடக்கமாக, செப்டம்பர் 24 அன்று பார்ன் அரங்கில் விழா தொடங்கி வைக்கப்பட்டது. துறை சார்ந்த பேராசிரியர் முனைவர். மல்லிகார்ஜுனா வரவேற்பு உரையாற்றினார். ஃபெஸ்டம்பர் ’26-ன் தலைவர் திரு. ஸ்ரீராம் ஆர், இந்த ஆண்டின் சிறப்பு அம்சங்களை எடுத்துரைத்தார். மாணவர் நலத்த்துறை தலைவர் முனைவர் ஜஸ்டின் ஜோசப் அவர்கள் கூட்டத்திற்கு உரையாற்றினார். மேலும், தேசிய தொழில்நுட்பக் கழகத்தின் இயக்குநர் முனைவர். ஜி. அகிலா அவர்கள் தலைமையுரை ஆற்றினார்.

பேராசிரியர் டாக்டர். எம். வெங்கட கிர்த்திகா சிறப்பு விருந்தினர்களான உதவி ஆட்சியர் ராகுல் ராகவன் ஐ.ஏ.எஸ் மற்றும் 1978 பொதுவியல் பொறியியல் பிரிவு முன்னாள் மாணவர் கே.எஸ். சந்திரசேகரன் ஆகியோரை அறிமுகப்படுத்தினார். இருவரும் மாணவர்களுக்கு ஊக்கமளிக்கும் வார்த்தைகளைப் பகிர்ந்து கொண்டனர். கழகத்தின் இசை மற்றும் நடனக் குழுக்களின் கலை நிகழ்ச்சிகளுடன் விழா நிறைவடைந்தது.

திறமைகள் அரங்கேறிய மேடை

இந்நிகழ்வின் போட்டிகள் விழாவின் அகலத்தையும் ஆழத்தையும் வெளிப்படுத்தின. இலக்கிய நிகழ்ச்சிகள் ஆங்கிலம், தமிழ், இந்தி மற்றும் தெலுங்கு மொழிகளில் நடைபெற்றன. பங்கேற்பாளர்கள் மேஜர் ஜெனரல் வினாடி வினா மற்றும் இந்தியா வினாடி வினா போன்ற வினாடி வினாக்களிலும், விவாதம் மற்றும் ஜஸ்ட் எ மினிட் போன்ற போட்டிகளிலும் பங்கேற்பாளர்கள் ஆர்வத்துடன் போட்டியிட்டனர். உயர்தனிச் செம்மொழி, சகலகலா வல்லவன்

மற்றும் தெலுங்கு டாக்கீஸ் உள்ளிட்ட பிராந்திய மொழி நிகழ்வுகள் உற்சாகமான பங்கேற்பை ஈர்த்தன.

இசை, ஸ்ருதிலயா, நடனம் மற்றும் நாடகம் ஆகிய கலைக் கூடங்கள் காலை முதல் மாலை வரை களைகட்டின. கோரியோனைட், தரங்கிணி, கிழக்கு மற்றும் மேற்கத்திய தனிநபர் நடனப் போட்டிகள், தியேட்ரிக்ஸ் மற்றும் இம்ப்ரோவ் ஆகியவை கடுமையான போட்டி நிலவிய முதன்மை நிகழ்வுகளாக அமைந்தன.

கலை, புகைப்படம் மற்றும் ஃபேஷன் பிரிவுகள் ஃபேஷன்டாஸ், சுவர் ஓவியம், உடல் ஓவியம், ஓவிய மராத்தான், மேக்ரோ புகைப்படம் எடுத்தல் மற்றும்’மிஸ்டர் & மிஸ் ஃபெஸ்டம்பர்’ ஆகிய போட்டிகள் நடத்தப்பட்டன. கேமிங் பிரிவு வாலாரன்ட், பிஃபா மற்றும் பேட்டில் சோன் போட்டிகளை நடத்தியது. போட்டிகளுடன் சேர்த்து, மாணவர்களுக்காக நேரடிப் பயிற்சிப் பட்டறைகளும், கலகலப்பான சுவாரஸ்ய நிகழ்வுகளும் நடைபெற்றன.

நட்சத்திரங்களால் ஜொலித்த வளாகம்

சிறப்பு விருந்தினர் உரைகளின் மூலம் திரைத்துறை பிரபலங்கள் கல்லூரி வளாகத்தில் அணிவகுத்தனர். நடிகர் வசந்த் ரவி “கார்பே டியம்” என்ற தலைப்பில் உரையாற்றி இந்நிகழ்வைத் தொடங்கிவைத்தார். வாய்ப்புகளைப் பயன்படுத்திக் கொள்வது குறித்து அவர் பேசிய கருத்துகள், இளம் பார்வையாளர்களிடையே பெரும் வரவேற்பைப் பெற்றன.

பிக்காசோ திரைப்படத்தின் விளம்பர நிகழ்வாக அமைந்த “ஓபஸ் லூமினேர்”)அமர்வில் கௌதம் சிவராமன், சுரபி செல்வன், அபிஷன் ஜீவிந்த், யோகலட்சுமி மற்றும் கானா வினோத் ஆகியோர் கலந்து கொண்டு சாமினே அமர்ம குல்லி சுவாரஸ்யமாக உரையாடினர்.

‘சீ யூ’ திரைப்படக் குழுவினர் கிஷேன் தாஸ், ஜெமென், அருண், அக்ஷயா மற்றும் சந்தோஷ் ஆகியோர், படத்தின் இரண்டாவது பாடலை வெளியிட ஃபெஸ்டம்பர் விழாவைத் தேர்ந்தெடுத்தனர். பாடலை வெளியிட்டதுடன் அவர்கள் ஆற்றிய நேரடி இசை நிகழ்ச்சியும் பெரும் வரவேற்பைப் பெற்றது.

இயக்குநர் கார்த்திக் சுப்பராஜ், ‘டோரதி’ திரைப்படத்தை விளம்பரப்படுத்த சனந்த் மற்றும் ரிஷிகாந்துடன் வளாகத்திற்கு வருகை தந்தார்; இவ்விழாவிலேயே மிக அதிகமான கூட்டத்தை ஈர்த்த நிகழ்வுகளில் ஒன்றாக இது அமைந்தது.

மூன்று இரவுகள், எண்ணற்ற நினைவுகள்

ஃபெஸ்டம்பரின் சிறப்பு கலைநிகழ்ச்சிகள் ஒவ்வொரு இரவிற்கும் ஒரு தனித்துவமான அழகைச் சேர்த்தன. முதல் நாள் இரவில், திங்க் மியூசிக் வழங்கிய எலக்ட்ரிக் ராக்நைட் நிகழ்வில் டிஜே லாஷ், பாடகர்கள் பிரித்வி, தமிழ் மற்றும் ரூத் ஆகியோரின் இசை மாலையின் கலைத் தொடக்கத்திற்குப் புத்துயிரூட்டியது.

இரண்டாவது நாள் இரவில், ரெட் புல் டைரக்ஷன்ஸ் டி.ஜே. கியாரா மற்றும் டி.ஜே. ஷான் பொன்விழா மண்டபத்தில் அதிரவைத்த இசைநிகழ்ச்சி, ஒட்டுமொத்த அரங்கையும் மாறாத உற்சாக வெள்ளத்தில் மூழ்கடித்தது.

இறுதி நாள் இரவில், பெரும் எண்ணிக்கையிலான உற்சாகமான பார்வையாளர்கள் முன்னிலையில் திருமதி சின்மயி ஸ்ரீபாடா, தனது உணர்வுபூர்வமான மற்றும் அரவணைப்பான குரலில் பாடி அனைவரையும் கட்டிப்போட்டார். மாணவர்கள் ஒவ்வொரு பாடலையும் அவருடன் சேர்ந்து பாடி, ஃபெஸ்டம்பர் ’26-க்கு மிகச்சிறந்த நிறைவைத் தந்தனர்.

பிரமாண்ட வானவேடிக்கை வளாகத்தின் வானத்தை ஒளிரச் செய்தது. உணவு மற்றும் பிற கைவினைப் பொருள்கள் கொண்ட கடைகள் மூன்று நாட்களும் திருவிழாவின் உற்சாகத்தைத் தக்கவைத்தன.

வெற்றிகரமான முடிவு

இந்நிகழ்வின் நிறைவு விழா தமிழ் தாய் வாழ்த்துடன் விழா தொடங்கியது.ஃபெஸ்டம்பர் ’26-ன் பேராசிரியர்கள் முனைவர். மல்லிகார்ஜுனா மற்றும் முனைவர். எம். வெங்கட கிர்த்திகா, மாணவர் நலத்துறை தலைவர் முனைவர். ஆர். ஜஸ்டின் ஜோசப் மற்றும் மாணவர் நலத்துறை இணைத் தலைவர் டாக்டர். ஸ்ரீஜித் ஆகியோர் இந்நிகழ்வைச் சிறப்பித்தனர்.

முனைவர். மல்லிகார்ஜுனா வரவேற்புரை வழங்கினார். அதைத் தொடர்ந்து இந்த ஆண்டின் பயணத்தை விவரிக்கும் அறிக்கைகள் சமர்ப்பிக்கப்பட்டன. பண்பாட்டுச் செயலாளர் திரு. அஸ்வத் பண்பாட்டு அறிக்கையைச் சமர்ப்பித்தார். சந்தைப்படுத்தல் அணியின் தலைவர் திரு. ரோகன் கணபதி சந்தைப்படுத்தல் அறிக்கையையும், ஊடகத் தொடர்பு அணியின் தலைவர் திரு. அனிருத் ஊடக அறிக்கையையும் சமர்ப்பித்தார். முன்னாள் மாணவர் மற்றும் சமூகத் தொடர்புப் பிரிவின் திரு. மோகனவேலு, இந்த ஆண்டின் சமூக நல முன்னெடுப்புகளைப் பகிர்ந்து கொண்டார் முனைவர் ஆர். ஜஸ்டின் ஜோசப் கூட்டத்திற்கு உரையாற்றியதைத் தொடர்ந்து, வழிகாட்டியாக இருந்த பெருமக்களுக்கும் பேராசிரியர்களுக்கும் நினைவுப் பரிசுகள் வழங்கப்பட்டன.

டாக்டர். ஆர். ஜஸ்டின் ஜோசப், தனது கடின உழைப்பாலும் அசைக்க முடியாத உறுதியாலும் வெற்றியை ஈட்டிய சாஸ்த்ரா கல்லூரிக்கு ‘ஃபெஸ்டம்பர் 26 ‘ஒட்டுமொத்த சாம்பியன் பட்டத்தை வழங்கினார். ஃபெஸ்டம்பர் 26-ன் பொருளாளர் திரு. சுந்தர வள்ளியப்பன் நன்றியுரை அளித்த பின் தேசிய கீதத்துடன் விழா நிறைவுபெற்றது.

ஐம்பத்து இரண்டு பதிவுகளைக் கடந்த ஃபெஸ்டம்பர், திறமை, பண்பாடு மற்றும் சமூகத்தின் கொண்டாட்டமாகத் தொடர்ந்து திகழ்கிறது. இந்த பதிவை மறக்க முடியாத அனுபவமாக மாற்றிய ஒவ்வொரு பங்கேற்பாளர், விருந்தினர், அனுசரணையாளர் மற்றும் தன்னார்வலருக்கும் ஏற்பாட்டுக் குழு தனது நன்றியைத் தெரிவித்துக் கொள்கிறது.