அங்குசம் வாட்ஸ் ஆப் சேனலில் இணையுங்கள்...
திருச்சியில் அடகு நகையை விற்க
கொள்ளை, கொலை வழக்குகள் உட்பட 44 வழக்குகள் நிலுவையில் இருப்பதாக தகவல் வெளியாகி பெரும் அதிர்ச்சி இரண்டு வழக்கறிஞர்களுடன் நீதிமன்றத்தில் சரணடைந்ததால் பரபரப்பு. விருதுநகர் மாவட்டம் சாத்தூர் அருகே வெங்கடாசலபுரம் பகுதியில் திமுக வேட்பாளர் கடற்கரை ராஜ் அவர்களின் வீட்டில் நடைபெற்ற 122 பவுன் நகை திருட்டு சம்பவம், விசாரணை முன்னேறியபோது பல அதிர்ச்சித் தகவல்களை வெளிச்சத்துக்கு கொண்டு வந்துள்ளது.
கடந்த சில நாட்களுக்கு முன்பு நடைபெற்ற இந்த சம்பவம், சாதாரண திருட்டு அல்லாமல், முன்கூட்டியே திட்டமிட்டு செய்யப்பட்ட ‘டார்கெட்’ குற்றமாக போலீசார் விசாரணையில் தெரியவந்துள்ளது.
இந்த வார JANUARY - 28 அங்குசம் இதழில்…2026 ANGUSAM WEEKLY BOOK
வீட்டில் யாரும் இல்லாத நேரத்தை கண்காணித்து, திட்டமிட்டு வீட்டிற்குள் நுழைந்த குற்றவாளி, 122 பவுன் நகைகளை மட்டும் குறிவைத்து திருடிச் சென்றதாக கூறப்படுகிறது. மற்ற பொருட்கள் சேதமடையாமல் இருந்தது, குற்றவாளி வீட்டின் சூழலை முன்கூட்டியே ஆய்வு செய்திருந்தார் என்பதைக் காட்டுகிறது.
2026 யாவரும் கேளீர் ஏப்ரல் மாத இதழ்
இந்த வழக்கில் சரணடைந்தவர் ஆரோக்கியம் ஜான் போஸ்கோ. ராமநாதபுரம் மாவட்டம் முதுகுளத்தூர் அருகே திருவரங்கம் அவரது சொந்த ஊராகும். தற்போது சென்னை கிழக்கு அண்ணா நகர் பகுதியில் வசித்து வந்துள்ளார். இவர்மீது மொத்தம் 44 குற்றவழக்குகள் நிலுவையில் உள்ளன என்பது போலீஸ் விசாரணையில் தெரியவந்துள்ளது.
2026 - அங்குசம் தேர்தல் களம் - வீடியோ பார்க்க
பல திருட்டு வழக்குகளுடன், குறைந்தது மூன்று கொலை வழக்குகளிலும் இவர் தொடர்புடையவர் என கூறப்படுகிறது. பெண்கள் மீது அத்துமீறல் உள்ளிட்ட குற்றச்சாட்டுகளிலும் இவரது பெயர் இடம்பெற்றுள்ளதாக தகவல் வெளியாகியுள்ளது. இவர்மீது சாத்தூர் தாலுகா காவல் நிலையத்திலும் வழக்கு பதிவு செய்யப்பட்டிருப்பது குறிப்பிடத்தக்கது.
சம்பவத்தின் தீவிரத்தை கருத்தில் கொண்டு, சாத்தூர் காவல்துறையினர் தனிப்படை அமைத்து விசாரணையை தீவிரப்படுத்தினர். குற்றவாளியின் நகர்வுகளை கண்காணித்து, சென்னை அண்ணா நகர் பகுதியில் உள்ள அவரது குடும்பத்தினரிடம் நேரடியாக சென்று விசாரணை மேற்கொண்டனர். தொடர்ந்து மேற்கொண்ட இந்த அழுத்தமான நடவடிக்கைகள் காரணமாக, போலீசார் தன்னிடம் நெருங்கி வருவதை குற்றவாளி உணர்ந்ததாக கூறப்படுகிறது.
இந்த நிலையில், கைது செய்யப்பட்ட பின் நடைபெறும் தீவிர விசாரணையை தவிர்க்கும் நோக்கிலும், சட்ட ரீதியான பாதுகாப்பை நாடும் முயற்சியிலும், அவர் இரண்டு வழக்கறிஞர்களுடன் சாத்தூர் நீதிமன்றத்தில் சரணடைய வந்துள்ளார். இதற்கு முன்னதாகவே தகவல் அறிந்த காவல்துறையினர் நீதிமன்றம் வெளியே காத்திருந்து அவரை கைது செய்ய முயன்றனர். ஆனால் போலீசாரை தவிர்க்க குற்றவாளி அவசரமாக நீதிமன்றத்திற்குள் நுழைந்து சரணடைந்ததால், நீதிமன்ற வளாகத்தில் பரபரப்பான சூழல் நிலவியது.
இந்த திருட்டு சம்பவத்தில் இவருடன் இணைந்து செயல்பட்டதாக சந்தேகிக்கப்படும் மேலும் இரண்டு பேரை போலீசார் தீவிரமாக தேடி வருகின்றனர். திருடப்பட்ட 122 பவுன் நகைகள் எங்கு கொண்டு செல்லப்பட்டன, இதற்கு பின்னால் பெரிய குற்ற வலையமைப்பு உள்ளதா என்பன உள்ளிட்ட பல்வேறு கோணங்களில் விசாரணை தொடர்ந்து நடைபெற்று வருகிறது.
பல மாவட்டங்களில் தேடப்பட்டு வந்த குற்றவாளியை சட்டத்தின் முன் கொண்டுவர, துல்லியமான தகவல் சேகரிப்பு, தனிப்படை நடவடிக்கை, குடும்பத்தை மையமாகக் கொண்ட விசாரணை ஆகியவற்றின் மூலம் போலீசார் இந்த வழக்கில் குறிப்பிடத்தக்க முன்னேற்றத்தை ஏற்படுத்தியுள்ளனர். இந்த வழக்கில் மேலும் முக்கிய தகவல்கள் வெளியாகும் என எதிர்பார்க்கப்படுகிறது.
— மாரீஸ்வரன்
திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen #business #trending
Comments are closed, but trackbacks and pingbacks are open.