“மாமன்னனு”க்கு தேவைப்பட்ட “தேவர்மகனும்” ! மாரி செல்வராஜின் “கைடு”ம் !

திருச்சியில் அடகு நகையை விற்க மறு அடகு வைக்க

“மாமன்னனு”க்கு தேவைப்பட்ட “தேவர்மகனும்” ! மாரி செல்வராஜின் “கைடு”ம் !

அங்குசம் இதழ்..

திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen

3000 ரூபாய்க்கு LED டிவி Cheapest LED in Tamilnadu || Free Gifts Bismi Electronics Trichy

மாமன்னனாக வரும் ”வைகைப்புயல்” வடிவேலுவின் கதாபாத்திர வடிவமைப்பை உன்னிப்பாகக் கவனித்தால் ”தேவர் மகன்” இசக்கியின் முதிர்ச்சியான அனுபவம் தான் என்பது தெரியும். அந்தக் கேரக்டர்கள் சார்ந்திருந்த சமூகம் தான் வேறு வேறாகத் தெரியும். முப்பது வருடங்களுக்கு முன்பு இசக்கி எப்படி பேசப்பட்டாரோ, அதைவிடப் பலநூறு மடங்கு உன்னதமாக பேசப்படுகிறார் இந்த ”மாமன்னன்” சரி, ”மாமன்னன்” மூலம் மாரி செல்வராஜ் பேசியுள்ள அரசியல், சமூகநீதி,  என பெரும்பாலோர் சிலாகிப்பதை போலவே, நாமும் சிலாகிக்கிறோம் என்பதைச் சொல்வதில் நமக்குத் தயக்கமோ, தடுமாற்றமோ இல்லை. ஆனால், மாரி செல்வராஜீக்கு தயக்கமோ தயக்கம் அப்படி ஒரு தயக்கம் இருப்பது அப்பட்டமாகத் தெரிகிறது. ”மாமன்னன்” வீட்டில் அம்பேத்கர் இருக்கிறார்,. புத்தர் இருக்கிறார், இறக்கை முளைத்த பன்றி கூட இருக்கிறது.  ஆனால் தமிழகத்தின் சமூகநீதி போர்க்களத்தின் முன்களப் போராளிகளான தந்தை பெரியார், அறிஞர் அண்ணா, தலைவர் கலைஞர் ஆகியோரெல்லாம் மாரி செல்வராஜீக்கு தெரியாதா?

முதல் அமைச்சராக வரும் லாலிடம் ரத்னவேலுவும் மாமன்னனும் பேசும் காட்சிகளில் மிகச்சிறிய அளவிலான பெரியார் சிலையைக் காட்டுகிறார், அதையும் பின்புறமாகத் தான் காட்டக் தெரிகிறது மாரி செல்வராஜால். தமிழகத்தில் சமூகநீதிக்காக மட்டுமல்ல, அனைத்து வகைகளிலும் தமிழனின் மேம்பாட்டிற்காக உழைத்த இந்த முப்பெரும் கலைவர்களை திரையில் காட்ட முடியாத அளவுக்கு, மாரி செல்வராஜின் மனதை இருள் திரை மூடியிருக்கு.

அதே நேரம், தனக்குள் இருக்கும் சமூகநீதி மேதமைத்தனம் காட்ட, ஆதிக்க சாதியைச் சேர்ந்த ஹீரோயின் கேரக்டருக்கு லீலா என்ற பெயர் வைத்துள்ளார். ஆதிக்க சாதியினரின் அநீதிக்கு எதிராகப் போராடியதால் படுகொலை செய்யப்பட்டவர் மதுரை மாநகராட்சியில் மார்க்சிஸ்ட் கம்யூனிஸ்ட் கட்சியின் கவுன்சிலராக இருந்த லீலாவதி. இந்தப் பெயரை மாமன்னனின் ஹீரோயின் கீர்த்தி சுரேஷீக்கு வைத்து, சில சீன்களில் அவர் அணிந்திருக்கும் டீசர்ட்டில் சேகுவேராவையும் வைத்துள்ளார் மாரி.

சேகிவேரா மாபெரும் புரட்சியாளர், பொதுவுமைச் சிந்தனையாளர் தான். ஆனால் தமிழ்நாட்டின் சமூக நீதிக்கும் அவருக்கும் என்ன சம்பங்கம்? சகோகரர் மாரிசெல்வராஜிக்குத் தான் வெளிச்சம். படத்தில் மாமன்னன சார்ந்த சமூகத்தின் குறியீடாக பன்றியைக் காட்டியிருப்பது கூட,மாரி செல்வராஜின் பிற்போக்குத் தனத்தைக் தான் காட்டுகிறது. அடிமுறைக் கலையைக் கற்றுக் கொடுக்கும் ஹுரோ அதிவீரனை, கோழிப் பண்ணையின் முதலாளியாக காட்டியிருக்கலாமே? நீங்கள் கையில் எடுத்திருக்கும் கதைக்களமான கொங்கு மண்டலத்தில் கோழிப்பண்ணை யும் மிகப் பெரிய தொழில் தானே. இதையெல்லாம் உதயநிதி கவனிக்கவில்லையே.? பராசக்தி, மனோகரா, அபிமன்யு வீரன், வேலுத்தம்பி, பாலைவன ரோஜாக்கள் மூலம் அனைத்து அரசியலையும் பேசிவிட்டார் கலைஞர். ஆனால் மாமன்னனில் உட்காரச் சொல்லும் அரசியலை உக்கிரமாகவும் ஆக்ரோஷமாகவும் உணர்ச்சியைக் தூண்டும் வகையிலும் காட்டியதைத் தவிர வேறொன்றும் புதிதில்லை, மாரி செல்வராஜூக்கு அரசியல் புரிதலில்லை.

அங்குசம் செய்திகள் உடனுக்குடன் தெரிந்து கொள்ள...