திமுகவின் முன்னாள் எம்.எல்.ஏ. ஆயிரம் விளக்கு உசேன் காலமானார்..!
திமுக முன்னாள் எம்.எல்.ஏ. உசேன் சென்னையில் இன்று உடல்நலக்குறைவால் காலமானார்.
தி.மு.க. தலைமை நிலையச் செயலாளர் உள்ளிட்ட பல்வேறு பொறுப்புகளில் இருந்தவர் ஆயிரம் விளக்கு உசேன் என அழைக்கப்படும் எஸ்.ஏ.எம்.உசேன். திருவல்லிக்கேணி சட்டமன்ற உறுப்பினராகவும் பணியாற்றியவர்.
உடல் நலக்குறைவால் அவர் காலமான நிலையில் சென்னை இராயபேட்டை லாயிட்ஸ் காலனியில் உள்ள அவரது இல்லத்திற்கு நேரில் சென்று தி.மு.க. தலைவர் மு.க.ஸ்டாலின் அஞ்சலி செலுத்தினார்.
மேலும் உசேன் மறைவுக்கு அரசியல் தலைவர்கள் இரங்கல் தெரிவித்து வருகின்றனர்.