பாலின சமத்துவம்

சமையல் என்பது பொதுவான கலை என்ற கோணத்தைப் பாலினப் பாகுபாடின்றிச் சித்தரிக்க வேண்டும். சமையலறை என்பது பெண்களுக்கானது மட்டுமே என்ற பிம்பத்தை மாற்ற வேண்டும்.

ஒரு குடும்பம் சுற்றுலா செல்வதாகக் கதை அமைத்தால், காரை அப்பா மட்டுமே ஓட்டுவதாக அல்லாமல், அம்மாவும் அப்பாவும் மாற்றி மாற்றி வண்டி ஓட்டுவதைக் கதையில் இயல்பாகச் சேர்க்கலாம்.

கதையின் நாயகனோ அல்லது நாயகியோ தங்களுக்குப் பிடித்த பொம்மைகளைத் தாங்களே சுயமாய்த் தேர்ந்தெடுப்பதை முன்னிறுத்த வேண்டும்.

பெண் பிள்ளைகளுக்கு  முடி திருத்தம் செய்யும் கடைகளில் குறைவான முடி அளவை கூட பாய் கட் என்ற பெயரடையில்தான் இன்றளவும் சுட்டிக்காட்டிக் கொண்டிருக்கும் சமூகமாக நாம் இருக்கின்றோம்.

ஆடைகள் என்பவை அழகிற்காக மட்டுமின்றி, சுறுசுறுப்பாக இயங்குவதற்கும் வசதியாக இருக்க வேண்டும் என்ற புரிதலை உருவாக்க வேண்டும்.

ஆண் பிள்ளைகள் என்றால்  வாட்டசாட்டமான உடல், உயர்ந்த தேகம், குறைவான சிகை அமைப்பு, எதற்குமே கட்டுப்பாடு இல்லாமல் ஆதிக்கத் தன்மையினை வெளிப்படுத்துதல்,

சிறுவர்களுக்கான பாலின சமத்துவம் பற்றிய கதைகளில் ஆண், பெண் ஆகியோர் சமம் என்பதைக் கற்பிக்கின்ற வகையில் அமைய வேண்டும்.