அங்குசம் வாட்ஸ் ஆப் சேனலில் இணையுங்கள்...

தேர்தல் தொடர்பான தேர்ந்தெடுக்கப்பட்ட கட்டுரைகளின் தொகுப்பு !

அங்குசம் இணையம் மற்றும் அச்சு இதழில் நாடாளுமன்றத் தேர்தல் தொடர்பாக வெளியான கட்டுரைகளில் இருந்து தேர்ந்தெடுக்கப்பட்ட சில கட்டுரைகளை மட்டும் வாசகர்களின் பார்வைக்காக இங்கே மீள்பதிவு செய்கிறோம்.

By NEWS DESK Last updated Apr 29, 2024

திருச்சியில் அடகு நகையை விற்க

தேர்தல் தொடர்பான தேர்ந்தெடுக்கப்பட்ட கட்டுரைகள் தொகுப்பு !

இந்தியாவின் பதினெட்டாவது மக்களவைக்கான தேர்தல் ஏழு கட்டங்களாக நடைபெறவிருக்கிறது. தமிழகம் புதுவை உள்ளிட்ட மாநிலங்களில் ஏப்ரல் 19 அன்று முதல்கட்ட வாக்குப்பதிவு நடைபெறுகிறது. மிக குறுகிய காலத்திலேயே வாக்குப்பதிவுக்கான தேதி அறிவிக்கப்பட்ட போதிலும், அனல் பறக்கும் பிரச்சாரங்களுக்கு பஞ்சமில்லாத வகையில் தமிழகம் புதுவையில் தேர்தல் பிரச்சாரங்கள் சுழன்றடித்தன.

இந்த வார JANUARY - 28 அங்குசம் இதழில்…2026 ANGUSAM WEEKLY BOOK

1951ஆம் ஆண்டு மக்கள் பிரதிநிதித்துவச் சட்டப்பிரிவு 126-ன் படி, எந்தவிதமான அழுத்தங்களுக்கும் இடமில்லாத வகையில், நிதானமாகவும் சொந்தமாகவும் யோசித்து சரியான வேட்பாளரை தேர்ந்தெடுக்கும் உரிமையை வாக்காளருக்கு உத்தரவாதப்படுத்தும் நோக்கில் போதுமான அவகாசம் வழங்கப்படுகிறது.

இதன்படி, முதல்கட்டமாக தேர்தல் நடைபெறும் தமிழகம் மற்றும் புதுவையில் இன்று மாலை 6 மணி முதலாக அனைத்துவிதமான தேர்தல் பிரச்சாரங்களுக்கும் தடை விதிக்கப்படுகிறது.

Celebrating Thangamayil’s 34th Anniversary | Dec 25th to Jan 1st | Thangamayil Jewellery Limited

திரைப்படம், தொலைக்காட்சி, எஃப்.எம். ரேடியோ, இணையம், வாட்ஸ்அப், முகநூல், டிவிட்டர், குறுஞ்செய்தி போன்ற மின்னணு வடிவிலான பிரச்சாரங்களுக்கும்கூட இந்த தடை பொருந்தும்.

தொகுதிக்கு தொடர்பில்லாத பிரச்சாரத்திற்காக வரவழைக்கப்பட்ட வெளியூர் கட்சி சார்ந்த பிரதிநிதிகள் தொகுதியைவிட்டு வெளியேற வேண்டும் என்பதும் இந்த தடை பட்டியலில் அடங்கும். இதனை உறுதிபடுத்தும் பொருட்டு, கல்யாணமண்டபம், சமுதாயக்கூடம். தங்கும் விடுதிகள், விருந்தினர் இல்லம் போன்றவற்றில் வெளியூர் ஆட்கள் தங்க வைக்கப்பட்டிருக்கிறார்களா? என்பதும் கண்காணிப்பிற்குள்ளாக்கப்படும்.

வாக்குப்பதிவு நாளன்று ஒவ்வொரு வேட்பாளரும் தனிப்பட்ட பயன்பாட்டிற்கான வாகனம் மட்டுமே பயன்படுத்திக்கொள்ள அனுமதி. வாக்காளர்களை கும்பலாக கூட்டி வருவதற்கோ, வேறு தேவைக்கோ வாடகை வாகனத்தையோ பயன்படுத்தவும்கூடாது என்பதும் இந்த தடையில் இடம்பெறுகிறது.

அங்குசம் வாசகர்களும் தங்களது தொகுதியில் சரியான வேட்பாளரை அடையாளம் காணும் வகையில், இணையம் மற்றும் அச்சு இதழில் நாடாளுமன்றத் தேர்தல் தொடர்பாக வெளியான கட்டுரைகளில் இருந்து தேர்ந்தெடுக்கப்பட்ட சில கட்டுரைகளை மட்டும் வாசகர்களின் பார்வைக்காக இங்கே மீள்பதிவு செய்கிறோம்.