அங்குசம் வார இதழின் உறுதுணையாளர்கள்...
666 என்பது பைபிளின் இறுதிப் புத்தகமான 13:18-ல் குறிப்பிடப்பட்டுள்ள ஒரு மறைபொருள் குறியீட்டு எண் ஆகும். பைபிள் இதனை “மிருகத்தின் எண்” என்று அழைக்கிறது.
உலக முடிவில் கடவுளுக்கு எதிராக உலகை ஆளப்போகும் ஒரு கொடூரமான சர்வாதிகாரியை பைபிள் “மிருகம்” அல்லது “அந்திக்கிறிஸ்து” என்று அழைக்கிறது.
அவனது பெயரைக் குறிக்கும் ரகசிய எண் குறியீடுதான் 666.
1. உடலில் இடப்படும் குறிப்பிட்ட இடங்கள்
இந்த முத்திரை மனித உடலின் வலது கை மனிதர்களின் அன்றாடச் செயல்பாடுகள், உழைப்பு மற்றும் பணப்பரிவர்த்தனைகளைக் குறிக்கும் அடையாளமாக வலது கை தேர்ந்தெடுக்கப்படுகிறது.
அடுத்து நெற்றி மனிதனின் சிந்தனை, புத்தி மற்றும் உலக அதிகாரத்திற்கு இணங்குவதைக் குறிக்கும் அடையாளமாக நெற்றியில் இடப்படுகிறது.
2. பொருளாதார நுழைவுச்சீட்டு
இந்த முத்திரை உடலில் பதிக்கப்பட்டவுடன், அது ஒரு மனிதனின் உலகளாவிய பொருளாதார அடையாளமாக மாறிவிடுகிறது.
இந்த முத்திரை உடலில் இல்லாத ஒரு மனிதனால் சமூகத்தில் ஒரு சிறிய பொருளைக் கூட வாங்கவோ அல்லது விற்கவோ முடியாது.
உடலில் இருக்கும் இந்த முத்திரையை அங்கீகரிக்கும் ஸ்கேனர்கள் அல்லது தொழில்நுட்ப அமைப்புகள் மூலம் மட்டுமே மனிதர்களின் வாழ்வாதாரம் இயங்கும்.
உடலில் ஏற்படும் கொடூரமான பக்கவிளைவுகள்
இந்த முத்திரையை உடலில் ஏற்பவர்களுக்கு ஆன்மீக அழிவு மட்டுமல்லாமல், கடுமையான உடல் ரீதியான பாதிப்புகளும் ஏற்படும் கடவுளின் கோபக் கலசம் பூமியின் மேல் ஊற்றப்படும்போது, மிருகத்தின் முத்திரையைத் தங்கள் உடலில் தரித்திருந்த மனிதர்களுடைய உடலில் “கொடிய கொப்பளங்களும் தீராத புண்களும்” உண்டாகும் என்று கூறப்பட்டுள்ளது.
நவீன கால தொழில்நுட்ப ஒப்பீடு
பைபிள் இதை ஒரு ‘முத்திரை’ என்று அழைத்தாலும், இன்றைய அறிவியல் உலகில் இது மனித உடலில் பொருத்தப்படும் சில தொழில்நுட்பங்களோடு ஒப்பிடப்படுகிறது:
RFID மைக்ரோசிப்கள் தோலுக்கு அடியில் செலுத்தப்படும் அரிசி அளவுள்ள சிப்கள் மூலம் மனிதனின் மருத்துவ மற்றும் வங்கி விபரங்களைச் சேமிக்கும் தொழில்நுட்பம்.
டிஜிட்டல் டாட்டூக்கள் சருமத்தின் மேல் ஒட்டப்படும் பயோ-சென்சார்கள்.
பைபிளின்படி, இந்த முத்திரை என்பது வெறும் ஒரு தொழில்நுட்பம் மட்டுமல்ல; அதை உடலில் ஏற்பது என்பது அந்த தீய உலகத் தலைவனை (அந்திக்கிறிஸ்துவை) கடவுளாக ஏற்றுக்கொள்வதற்குச் சமம் என்பதால் கிறிஸ்தவர்கள் இது குறித்து எச்சரிக்கப்படுகிறார்கள்.
2026 June 11 - 17 Angusam Book
— ஜெ.டி.ஆர்.
திருச்சியில் நவீன மாடூலர் கிச்சன் -உங்கள் வீட்டிலும் | National Modular Kitchen #business #trending
Comments are closed, but trackbacks and pingbacks are open.